Ashtu sikurse ishte paralajmëruar, presidenti i zgjedhur i SHBA Joe Biden, mbajti mbrëmjen e së shtunës fjalimin e fitores përpara mbështetësve të tij, nga Uilmington shteti në të cilin ai jeton.
“Njerëzit e këtij vendi folën. Ata na dhanë një fitore të qartë, një fitore bindëse. Zotohem të jem një president që nuk kërkon të ndajë, por të bashkojë. Unë e kërkova këtë post për të rikthyer shpirtin e Amerikës dhe për ta bërë Amerikën të respektuar përsëri në botë”, tha Biden.
Ndonëse nuk përmendi në mënyrë të drejtpërdrejtë rivalin Trump, presidenti i ri i zgjedhur, tha se është koha për të hequr dora nga retorika e ashpër.
“Të gjithë atyre që votuan për Presidentin Trump, unë e kuptoj zhgënjimin sonte. Unë vetë kam humbur disa herë. Por tani, le t’i japim njëri-tjetrit një shans. Tani, le t’i japim njëri-tjetrit një shans. Është koha të heqim dorë nga retorika e ashpër, të ulim temperaturën, të shikojmë dhe dëgjojmë njëri-tjetrin përsëri. Kjo është koha e shërimit në Amerikë.
“Unë do të punoj po aq shumë për ata që nuk më votuan sa edhe për ata që më votuan”, tha Biden duke shtuar se që nga dita e hënë do të shpallë një grup shkencëtarësh dhe ekspertësh për ta ndihmuar atë të hartojë një plan për trajtimin e pandemisë së koronavirusit./Opinion.al
