Të gjithë e dimë që kardio është një proces i rëndësishëm gjatë stervitjes për rezultate sa më të mira. Megjithatë jo e gjithë kardio krijohet njësoj. Gazeta Sports Medicine and Physical Fitness ka publikuar një artikull se fundmi që zgjidh debatin nëse biçikleta apo lëvizjet eliptike janë më efektive.
Ky artikull u botua pas një pune kërkimore ku 14 pjesëmarrës kryen të njëjtën rutinë te biçikleta dhe te stepi. Ndërkohë që pjesëmarrësit stërviteshin, u mat konsumi i oksigjenit, rrahjet e zemrës, disa parametra të metabolizmit dhe rezultatet e dëshiruara.
Nga ky vëzhgim studiuesit dolën në përfundimin se konsumi i oksigjenit ishte më i ulët te lëvizjet eliptike, që do të thotë se pjesëmarrësit mund të stërviteshin për një kohë më të gjatë. Megjithatë rezultatet ishin më pak të kënaqshme për sasinë e energjisë që çlironin.
Autorët sugjeruan se biçikleta është kardio më e mirë se lëvizjet eliptike, sidomos nëse po rimëkëmbeni nga një dëmtim. Problemi këtu është që nëse jeni mësuar me rendimentin e ulët të stepit, do të keni vështirësi të punoni me biçikletën./Opinion.al
