Kemi dëgjuar gjëra nga më të çuditshmet për Beyonce.
Që nga Iluminati, ku prej vitesh tashmë këngëtarja dhe suksesi i saj asociohen gjithmonë me organizatën e fshehtë e së fundmi Magjia e zezë.
Kjo e fundit duket se e ka çuar Queen B në gjyq.
Bateristja, Kimberly Thompson e cila ka punuar me këngëtaren prej 7 vitesh e ka hedhur atë në gjyq, duke e akuzuar se ka bërë një fushatë kundër saj, përfshirë edhe praktikimin e magjisë së zezë.
Thompson tregon gjithashtu se ylli i muzikës pop vrau kotelen e saj.
Bateristja ka kërkuar urdhër mbrojtje nga Beyonce, pasi dyshonte se këngëtarja përgjonte telefonin e saj dhe i kontrollonte financat, shkruan “The Blast”.
Gjyqtari ka hedhur poshtë kërkesën për një urdhër të përkohshëm mbrojtjeje, ndërsa Beyonce nuk ka reaguar mbi pretendimet e ish-të punësuarës së saj.
