Çifti i njohur i showbizit botëror Jay-Z dhe Beyonce janë nderuar në ‘Brit’s Awards’ 2019 me çmimin “Grupi më i mirë ndërkombëtar”. Ata u shfaqën në një formë të veçantë për të marrë çmimin e tyre si dhe për të falenderuar për këtë nderim.
Ylli botëror Beyonce ka publikuar në rrjete sociale një video ku shfaqet së bashku me bashkëshortin dhe bashkëpunëtorin e saj Jay-Z dhe pas krahëve të tyre ndodhet portreti i Dukeshës Megan Markle.
Çifti ka rikrijuar një nga pjesët e klipit të tyre ‘Apes**t’ ku ndodhen pas portretit të Mona Lisës në muzeun e Louvre në Paris. Ata kanë pranuar çmimin me portretin e Megan pas tyre në nder të muajit “Black History”.
“Faleminderit për këtë çmim. E kam fituar një çmim të tillë në vitin 2002 me mikeshat e mia Kelly dhe Michelle. Sot ndihem shumë me fat që jam në një grup me mikun tim më të mirë. Në nder të muajit të “Black History” ne përulemi për Meganin tonë. Urime për shtatzëninë tënde! Të urojmë më të mirën,”-përfundon Beyonce.
Megan Markle ka hyrë në histori si personi i parë me dy-raca që është martuar në familjen mbretërore në Britani.
Ndërkohë pas këtij postimi të Beyonce ka reaguar edhe artisti i portretit të Megan, Tim O’Brien, i cili u shpreh se Beyonce dhe Jay-Z nuk kanë kërkuar leje apo ta kenë paguar artistin për të përdorur pikturën e tij, megjithatë ai sërish ndihej i nderuar që ata kanë bërë diçka të tillë./Xh.K/Opinion.al/
