Është betuar Presidenti i 46-të i SHBA-ve Joseph Biden Jr .
Tashmë, Joe Biden është zyrtarisht presidenti i Shteteve të Bashkuara të Amerikës, pasi bëri betimin mbi Bibël. Më herët nga pamjet e drejtëpërdrejta që janë duke u transmetuar, është betuar edhe zëvendëspresidentja e SHBA-ve, Kamala Harris. E gjithë ceremonia e inagurimit është zhvilluar e qetë, por me masa të rrepta sigurie, teksa është vënë re se ka patur një prezencë të ulët të pjesëmarrësve.
Shefi i ri i Shtëpisë së Bardhë u betua para kryetarit të Gjykatës së Lartë John Roberte dhe ceremonia është zhvilluar në ambientet e jashtme të Capitol Hill.
Ekipi i Biden është përpjekur të minimizojnë turmat e njerëzve dhe u ka kërkuar amerikanëve që të mos udhëtojnë në Washington, DC, por ta ndjekin inaugurimin nga shtëpitë e tyre. Kjo ka ardhur si pasojë, jo vetëm e sigurisë së Presidentit Biden, por gjithashtu edhe si pasojë e pandemisë së COVID-19./ Opinion.al
