Betejën për epitetin “buf” ndaj kryedemorkatit Sali Berisha, kryeministri Edi Rama e ka përmendur edhe në takimin me qytetarët shqiptarë në Kretë të Greqisë.
Rama e ironizoi Berishën, i cili thotë se bufi është simbol i mençuris, por kryeministri Rama tha se epiteti buf është konotacionin negativ siç dhe perceptohet nga qytetarët shqiptarë.
“Ju e keni të qartë më mirë se shumë kush në Shqipëri, se këtë gjë nuk mund ta bëjnë ata që vijnë tek ju dhe ju premtojnë gjithçka sepse as kanë gjë në dorë dhe as kanë për të pasur gjë në dorë dhe nuk diskutohet që këtë gjë nuk mund ta bëjë bufi i kënetës me të gjithë lukuninë e zogjve të tij. Bufi i kënetës që thotë se unë jam, i mençur dhe jam i bukur si Athinaja. Duke iu referuar bufit të vogël që ishte simbol i grekëve të lashtë dhe pastaj e morën dhe romakët, por bufi i vogël nuk kishte lidhje me kënetën. Bufi ynë në Tiranë është bufi i dalë nga shprehja e popullit ca do aty o buf kënete”, tha Rama.
