Teksa pritet të nisë seanca e sotme plenare, ish-kryeministri, Sali Berisha është shprehur se ditën e sotme, qytetarët do të shohin çdo skenar të asaj që ai e cilëson “betejë parlamentare”.
Në një prononcim për mediat, në oborrin e Kuvendit, Berisha u shpreh se Parlamenti nuk funksionon i rrethuar me njësi speciale duke iu referuar forcave të shumta që e rrethojnë atë pas paralajmërimit të opozitës se këtë të nuk do të zhvillohet një seancë plenare normale.
Ndër të tjera Berisha tha sed edhe greva e urisë do vijë.
“Opozitë të vërtetë dhe jo një opozitë që kryetarin e saj ta caktojë Edi Rama. Kjo nuk mund të ndodhë. Çdo skenar, ju do të shifni sot. Sot do të jetë një ditë, ja si është i rrethuar në të gjithë anët. Po përgatiten që të drekojnë këtu këto. Edhe greva e urisë do të vijë. Do të përzgjidhet dhe ju do ta merrni vesh ndër të parët. Ne besojmë se Parlamenti nuk funksionon i rrethuar me njësi sepciale dhe të tjera”-tha Berisha.
