Ditën e djeshme Kolegji i Posaçëm i Apelimit shkarkoi nga detyra Besnik Muçi, i cili më herët ishte dekretuar nga presidenti Ilir Meta si anëtarë i Gjykatës Kushtetuese.
KPA e argumentoi vendimin e saj duke u shprehur se kanë konstatuar probleme në pasurinë që zotëron Muçi dhe bashkëshortja e tij.
Por, pas këtij vendimi Besnik Muçi, u shpreh për mediat se ka bërë çdo deklarim sipas ligjit dhe të ardhurat e tij janë përfituar në mënyra ligjore, ai shtoi se për këtë arsye nuk do njihte vendimin shkarkimit të dhënë nga KPA.
Mëngjesin e sotëm prokurori Muçi është parë teksa futet në Gjykatën Kushtetuese, duke e konsideruar të pavlefshëm vendimin e shkarkimit të dhënë nga KPA një ditë më parë.
Vendimi i KPA-së ndaj prokurorit kundërshtua edhe nga presidenti Meta, i cili e konsideroi “vetting të partisë”. Ndërkohë, shkarkimi i Muçit thellon dhe ngërçin për ngritjen e Gjykatës Kushtetuese, ndërsa ka ashpërsuar dhe përplasjet institucionale mes Presidencës, KED dhe Qeverisë./Opinion.al
