Kënga e shkruar për Xhensila Myrtezajn, e cila u publikua gjatë vitit të kaluar pas dasmës së çiftit të njohur, tashmë keni mundësinë ta dëgjoni edhe në greqisht. Mesa duket vija melodike e kësaj kënge i ka pëlqyer këngëtarëve grek TUS dhe Plaza, të cilët e kanë përshtatur në greqisht.
Nisur nga suksesi që kjo këngë kishte në Greqi në ditët e para të publikimit, këngëtarët grekë e kanë parë të arsyeshme ta këndojnë në një version grek, por sigurisht me disa fjalë shqiptare dhe duke falënderuar Bes Kallakun e Klajdi Harunin. Lajmin e ka bërë të ditur vetë Besi nëpërmjet një postimi në “Instagram”, ndërkohë që të njëjtën gjë ka bërë edhe Klajdi i cili i thotë Besit me shaka që tani janë ndërkombëtarizuar.
