Mbrëmjen e sotme në emisionin e ‘Opinion’ në TV Klan u diskutua çështja e mbylljes së TikTok-ut në Shqipëri.
Pjesë e panelit ishte Besart Xhaferi, i cili u shpreh kundër mbylljes së Tik Tok, duke e quajtur këtë një censurë nga politika.
Xhaferi thotë se arsyeja e mbylljes së TikTok është fakti se algoritmi i kësaj platform është i pakontrolluar.
Gjithashtu, Xhaferi shprehet se përderisa TikTok mbyllet vetëm dy muaj para zgjedhjeve patjetër që kërkon 100% ndërhyrje të një fushate të mundshme elektorale online duke e quajtur këtë një hipokrizi të një force politike që kërkon që edhe deputetët t’i bëjë me platformë online.
“Përderisa në rajon TikTok-u nuk është problem do të thotë se në Shqipëri ose kemi një popull të çmendur ose kemi një qeveri që nuk i vë filtrat siç i vënë vendet e tjera. Unë nuk mendoj që është as e para dhe as e dyta, por patjetër është një arsye e tretë që TikTok është i pakontrolluar.
Përderisa ajo mbyllet vetëm dy muaj para zgjedhjeve, le ta mbyllë në 12 Maj Edi Rama ai është i bindur që do i fitojë zgjedhjet. Përderisa ajo mbyllet vetëm dy muaj para zgjedhjeve patjetër që kërkon 100% ndërhyrje të një fushate të mundshme elektorale online dhe kjo është komplet hipokrizi e një force politike që kërkon që edhe deputetët t’i bëjë me platformë online. Dhe tjetra nesër, pasnesër ai mund të thotë unë takova edhe 70 mijë prindër dhe hajt të mbyllim edhe Facebokk, Instagram dhe Snapchat dhe një pyetje kam për Kryeministrin unë se a nisi kjo për vrasjen tek shkolla Fan Noli, nga këto 65 mijë prindër që takoi brenda javës, a pati mundësi të çojë një mesazh ngushëllimi tek prindërit e vetë viktimës. Vetë mamaja në këtë studio ka thënë jo dhe kjo është mënhyra më skandaloze që ajo është përdorur për një qëllim të Edi Ramës”, shprehet Xhaferi.
