Ministrja e re e Arsimit, Besa Shahini, ka reaguar me anë të një statusi në Facebook për vijimësinë e protestës së studentëve dhe bojkotit të mësimit. Ajo shkruan se çdo ditë merr mesazhe nga studentë të cilët duan të kthehen në mësim, por pengohen nga pedagogët.
Shahini u drejtohet tërthorazi pedagogëve, – të cilët sipas saj “disa prej tyre janë haptazi partiakë”, – me fjalët se “ky mjet proteste (bojkoti) nuk ka më kuptim”.
Ajo shton se gjithësesi do të vazhdojë bisedimet me studentë e pedagogë, dhe do të kujdeset që të përmbushet pjesa e zotimit të marrë në dhjetor./E.L
