Kreu i Partisë Demokratike, Sali Berisha, nga takimi përmbyllës i fushatës në Tiranë, përcolli një mesazh për të rinjtë shqiptarë.
Gjatë fjalës së tij, kryedemokrati u shpreh se vota më 11 maj do të jetë për dinjitetin e të rinjve.
Berisha hodhi dhe akuza ndaj kryeministrit Edi Rama, për të cilin u shpreh se u ofron të rinjve një apartament për 108 vjet punë.
Fjala e Berishës:
Më 11 maj vota është edhe për dinjitetin tuaj, ju jeni të rinj dinjitoz. E dëgjuat me veshët tuaj kur një njeri i dekuilibruar ju tha se për mandatin e katër do u siguroj 2 kg farë kungulli, një fyerje e madhe për të rinjtë shqiptarë.
Qeveria e ardhshme do shpall paktin për rininë, paktin start-up Albania. Çdo i ri do diplomohet pas diplomimit. Një gjë mos harroni, që beteja jon është të rikthejmë kombin në rininë e tij.
Ndaj dhe për talentet tuaj, do ketë një fond të veçantë me të cilin do mbështeteni për krijimtarinë tuaja në të gjitha fushat.
Sot njeriu që iu ofroj 2kg farë kungulli, iu ofron një apartament për 108 vjet punë, ju garantoj se çdo çift i ri do ketë një çati. 30 mije euro granti për të paguar interesat e kredisë.
