Në një deklaratë për mediat, kreu i PD Berisha u bëri thirrje strukturave të PD që të mbrojnë çdo votë, sipas tij me përkushtim të madh.
Ndaj ai u bëri thirrje komisionarëve, vëzhguesve të mos kenë asnjë ndikim nga asgjë po të mbajnë parasysh se detyra më e rëndësishme për çdo demokrat sot është mbrojtja e votës.
“Për Partine Demokratike, procesi elektoral është procesi më themelor i një shoqërie të lirë, procesi më serioz. Jam këtu së pari për të shprehur një falënderim për të gjithë ata komisionarë, vëzhgues që e gdhinë gjatë natës duke numëruar votat e qytetarëve. Ju bëj thirrje të gjitha strukturave të PD komisionarëve, vëzhguesve, opozitarëve të numërohet çdo vote me përkushtimin me te madh. Çdo votë kundër regjimit meriton nderimin më të madh edhe vlerësimin më të madh. Thirrje për demokratët opozitarët, të tregojnë përkushtimin e të mos kenë asnjë ndikim nga asgjë, kjo është detyra më e rëndësishme për demokratët sot”, u shpreh Berisha.
