Deputeti dhe Ish-kryetari i Partisë Demokratike, Sali Berisha ka qenë i ftuar sot në programin “Xing me Ermalin” në TV Klan. I pyetur nga drejtuesi i këtij programi mbi thashethemin se partinë po e drejton ai dhe jo Lulzim Basha, ish-Kryeministri Berisha ka dhënë këtë përgjigje:
“Iluzionet janë iluzione. E vërteta është që PD e drejton në çdo aspekt kryetari i saj, Lulzim Basha. Me cilindo nga bashkëpunëtorët e tij ai mund të ndajë përgjegjësinë e drejtimit, përveçse me Sali Berishën. Lulzim Basha dhe çdo njeri nga demokratët mund të pyesë, mund të diskutojë, mund të japë mendime, natyrisht jo për çdso djgë, sepse jo në çdo gjë unë i lejoj vetes të shpreh qëndrime dhe mendime. Ndaj është shumë e pabaza ajo që thuhet dhe mendohet.”
Në vijim të bisedës, Berisha ka pohuar se ndikimin më të madh ai e ka tek kreu i qeverisë dhe jo tek kreu i partisë së tij.
“Po të jetë problemi për influencë dhe ndikim, Sali Berisha ndikimin më të madh e ka tek Edi Rama. Lulzim Basha të gjithë deklaratët e tij i thonë bazuar në mendimet dhe konceptet e tij. Kurse Edi Rama e fillon me Sali Berishën, e mbyull me Sali Berishën e tani edhe në një fshat në Gramsh, shkon dhe u flet banorëve për qytetarin dixhital. Njeriu që citon më shumë Sali Berishën në Shqipëri, është Edi Rama. Ai ka komplakse”.
