Teksa ka hedhur akuza ndaj SPAK se po përpiqet të shpëtojë kryeministrin Edi Rama në lidhje me aferën e Inceneratorëve, kreu i PD, Sali Berisha ka akuzuar kreun e qeverisë se ka firmosur mbi një bonus për një ndërmarrje që nuk ekziston.
Më tej, Berisha ka paralajmëruar se është më mirë që të veprojë SPAK-u, se të veprojnë qytetarët dhe t’i bëjnë sipas tij një gjyq publik Edi Ramës.
“Nuk ka kontratë që nuk zgjidhet, përveç kontratës së ndërmarrjes së Edi Ramës. SKAP-i kryen një vepër penale që nuk vepron. SKAP-i nuk mund ta shpëtojë kurrë Edi Ramën. Është më mirë që të veprojë SKAP se të veprojnë qytetarët, që t’i bëjnë një gjyq publik Edi Ramës. Edi Rama ka firmën e tij mbi një bonus për një ndërmarrje që nuk ekzistonte mbi tokë. Një sipërmarrje që merr bonusin dhe vetëkrijohet tetë muaj më pas. Por, i kapur përfundimisht si drejtues i një organizate kriminale të djegësit, ai vazhdon në parimin e krijimit të dominancave me afera të tjera shumë më të mëdha. Për të besuar se kështu do i mbyllë dhe do i vendosë në harresë, palë palë”-tha Berisha.
