Kryetari i PD, Sali Berisha ka publikuar një denoncim të një qytetari në rrjetet sociale, i cili deklaron se një e moshuar është dhunuar në banesën e saj nga persona të maskuar dhe më pas i kanë grabitur 10 mijë euro.
Sipas denoncimit, ngjarja ka ndodhur në virgjilje të Vitit të ri, por deri më tani policia nuk ka reaguar lidhur me rastin.
POSTIMI I BERISHËS
Të moshuarës i vjedhin 10000 € dhe e bëjnë për spital.
Për policinë nuk ka ndodhur gjë! Bashkëpunim me krimin. Lexoni denoncimin e qytetarit dixhital! Fillimisht më lejoni t’ju uroj Ju dhe familjes suaj një vit të ri plot shëndet dhe mirësi. Po ju informoj për një grabitje që ka ndodhur në fshatin Pirg pjesë e bashkisë Maliq ku persona të maskuar i kanë hyrë në banesë dhe kanë dhunuar, rrahur barbarisht dhe e lidhur kur e kanë gjetur, shtetasen Luljeta Hoxha pensioniste e cila jeton e vetme, në dt. 29 dhjetor rreth orës dy pas mesnate ku ajo pretendon se i kish grabitur një sasi prej 10 000 euro. Shtetasja në fjalë ndodhet e shtruar në spitalin e Korçës. Nga organet e rendit e kanë lënë në heshtje dhe nuk kanë bërë asnjë prononcim deri më sot.
