Ish-kryeministri Sali Berisha është takuar me anëtarët e FRPD, teksa shoqërohej nga drejtuesi i këtij forumi, Belind Këlliçi.
Berisha hodhi akuza ndaj kryedemokratit Lulzim Basha, duke thënë se ai ka frikë të përballet me të rinjtë dhe se po tenton shkatërrimin e forumeve në parti.
Lideri historik i PD tha se FRPD shkon në zgjedhje vetëm kur vendosi kryesia e këtij forumi dhe jo kryetarin e PD, ndërsa ftoi Bashën në një debat publik.
“Vendi i tij po të ishte burrë duhet të ishte sot para jush, këtu me mua dhe Belind në një debat të halur. Por i kyçur në zyrën e tij dhe jep urdhra me telefon për uzurpimin e FRPD dhe forumit të grave, forumi juaj nuk është pronë e askujt por tërësia e ideale më fisnike. Askush nga ju nuk është kundër zbatimit të statutit apo procese zgjedhore në radhët tuaja, por ato janë kompetencat tuaja. Do jeni ju që do i përcaktoni se si do i zgjidhni drejtuesit e forumit. Kryetari pa partisë nuk përfaqëson më asgjë, atë e ka kapur një frikë e tmerrshme, është krejtësisht i pashpresë. Ta ftoni në një debat të dalë ballpërballë dhe të mësojë nga ju ABC e demokracisë. Në këtë përpjekje unë kërkoj mbështetjen etua që të bëjmë PD shtëpinë e lirisë,”-tha Berisha./ Opinion.al
