Kreu i Partisë Demokratike, Sali Berisha, do të paraqitet sot në orën 10:00 në SPAK për të respektuar masën e “detyrim paraqitjeje” të vendosur nga gjykata.
Kujtojmë se Berisha u lirua më 27 nëntor 2024, pas qëndrimit për rreth një vit në arrest shtëpiak, pasi akuzohet si i përfshirë në dosjen “Partizani”.
Kjo dosje, për të cilën hetohet ish-kryeministri, kaloi më 19 maj për gjykim, pas shtatë muajsh qëndrimi në seancë paraprake.
Në këtë dosje janë dërguar për gjykim pesë të pandehur.
