Kuvendi i Shqipërisë është mbledhur në një seancë të jashtëzakonshme ku fokus i veçantë mbetet ligji i vettingut. Deputetë të mazhorancës dhe opozitës janë parë në sallën e Kuvendit, mes të cilëve ka marrë fjalën edhe ish-Kryeministri Sali Berisha.
Berisha e ka nisur fjalën e tij me atë që e quan emergjencën më të madhe: kanabizimin e vendit. Duke iu referuar territoreve të mëdha të mbjella me kanabis në vend, Berisha tha se ky është zhvillimi më i rrezikshëm për Shqipërinë.
“Në vetëdijen e cdo shqiptari emergjencë e emergjencave është shndërrimi i vendit në fytyrën kanabistane. Shndërrimi i vendit në kanabistan duke filluar nga zonat më të thella të Alpeve gjer në Konispol përbën zhvillimin më të rrezikshëm, më të dëmshëm, në këto vite. Kjo seancë të merret me kanabisin”.-tha Berisha
