Kryetari i Partisë Demokratike, Sali Berisha, akuzoi Partinë Socialiste se në listën e saj ka emra që kanë bërë korrupsion.
Më konkretisht Berisha “shigjetoi” dy drejtueset politike të Tiranës, Elisa Spiropalin dhe Ogerta Manastirliun.
Pjesë nga fjala e Berishës:
“E drejton një person që 100 herë nuk mund t’i gjesh emër tjetër përveç Korba e Korrupsionit. Pse e them këtë? Sepse ministre Shëndetësie, ajo vodhi dhe shpërdoroi me klanin e saj dhe Edi Ramën, qindra milionë euro të përcaktuara për të blerë maska, për të blerë respiratorë, për të blerë ilaçe.
Po çfarë meritash ka Pëllumbesha Spirogjoka? Çfarë meritash ka ajo përveçse i thotë Edi Ramës, Skënderbeu? Urdhëroni, vjen me gjërat më të thjeshta në detyrë, bëhet 5-milionëshe dhe bëjnë garë me njëra-tjetrën për alta modën. Kam shëtitur jo pak dhe nuk kam parë kurrë ministra luksi si në Shqipëri.”
