Kryedemokrati Sali Berisha i është drejtuar deputetëve të mazhorancës duke u shprehur se rikthimi më i suksesshëm i tij do të jetë rikthimi i tretë.
Këto komente ai i bëri pasi kryetarja e Parlamentit, Elisa Spiropali tha se çdo gjë është automatike dhe se Berisha e kishte përfunduar kohën e tij.
Ndërkohë kanë reaguar deputetët e PD, të cilët kanë protestuar dhe janë ngritur më këmbë.
Më pas Spiropali e ka lejuar dhe 30 sekonda Berishën për të përfunduar.
Ai u shpreh se socialistët janë të pashpresë ndërsa demokratët janë shpresa e madhe e shqiptarëve.
“Ju siguroj që rikthimi më i suksesshëm në histori i Sali Berishës do të jetë rikthimi i tretë dhe në këtë aspekt jeni të pashpresë. Ju të pashpresë shqiptarët me shpresë të madhe. Ne jemi shpresa e madhe e shqiptarëve”, tha Berisha.
