Ish-kryeministri Berisha në fjalën e tij me rastin e 8 dhjetorit, Ditës së Rinisë, ka kujtuar edhe këtë moment të rëndësishëm që ndryshoi rrjedhën historike të Shqipërisë
“Ditë si kjo janë ditë kujtimesh, mbresash, këto janë ditët e shtrëngatave emocionale më të fuqishme, për ato përjetime të 28 viteve më parë. Janë ditët e gjenezës, në 28 vite kemi pasur ditë të mëdha, edhe të vështira, por ditët e dhjetorit ’90 janë të gjenezës, të gjithë datave të tjera në këto tre dekada. Përjetova mrekullinë më të madhe të jetës sime, pasi ato ditë do të kisha përballë një grup deri 1 mijë studentë, që në rrugën e Elbasanit, ishin pozicionuar përballë autoblindave, tankeve, mitrolozëve dhe gjithë llojeve të armëve. Ishin të vetmuar”- tha Berisha.
Sipas tij, ata ishin heronj, pasi edhe pse ishin rrahur pas takimit me Ramiz Alinë, ata ishin sërish drejt sheshit për ti pushtuar regjimit sheshin e pushtetit.
“Lideri i tyre, heroi i tyre, doli nga këto ndërtesa, nga ky shesh si një Mesi për shqiptarët. Ai la peng Rudinën dhe Kirin, ai u tha se nuk do t’i tradhëtojë kurrë, studentët i besuan t’i udhëhiqte drejt përballjes më të egër me një diktaturë mizore. I pamposhtur, Ai bëri ultimatumin, “lironi studentët, ose sheshin do ta bëjmë copa”. Ishte ai që bëri gjithçka për kryekërkesën e pluralizmit politik, e miratoi në këtë shesh, në një miting të mbushur plot me studentë. Idealet e dhjetorit janë fryma, energjia më e pastër e shqiptarëve. Tek dëgjoj studentët me sloganin “e duam Shqipërinë si gjithë Evropa”, Azem ti je gjallë. Do të mbetesh për jetë të jetëve, në thirrjen e shqiptarëve drejt Evropës”- tha Berisha.
Ai theksoi se sot me keta studente ne proteste, kemi nje dhjetor te dyte.
“Ky regjim i Rames ka mbyllur dyert e Evropes me muret e droges dhe te krimit. ka detyruar shqiptaret te largohen nga vendi si ne 90 se ka vrare shpresen ne cdo rruge e qelize te shoqerise shqiptare. Studente po i ngjallin shpresat shqiptareve, u shpreh mbeshtetjen me te fuqishme dhe shqiptaret t’i mbeshtesin me te gjithe mundesite e tyre”- tha Berisha.
