Ish-kryeministri Sali Berisha ka bërë të ditur se refuzon paratë e kaluara nga Kuvendi i Shqipërisë si dieta. Në një reagim në rrjetin social “Facebook”, Berisha shkruan se nuk ka pasur dijeni për këto dieta.
Ai i kërkon parlamentit t’i tërheqë paratë nga llogaria e tij bankare dhe shprehet se është deputet i Qarkut të Tiranës dhe nuk do të pranojë asnjë dietë deri në fund të mandatit.
Ndër të tjera, ish-kryeministri shkruan se lëvizjet e tij jashtë Qarkut të Tiranës do t’i përballojë me të ardhurat e tij.
“Njoftim!
Sot nga mediat mesova se ne llogarine time bankare parlamenti ka derdhur per muajin shkurt dieta per mua si dhe per 93 deputete te tjere shumen prej 75250 leke dieta.
Lidhur me sa me siper deklaroj sa vijon:
1-Une nuk kam patur asnje dijeni per keto dieta.
2- I kerkoj parlamentit ti terheqi ato nga llogaria ime bankare ku i ka derdhur.
3-Une jam deputet i Qarkut te Tiranes dhe si tille nuk do pranoj asnje diete deri ne fund te mandatit.
Levizjet e mia jashte Qarkut te Tirane do ti perballoje me te ardhurat e mia. Sb”,-shkruan Berisha./Opinion.al
