Kreu i Partisë Demokratike, Sali Berisha gjatë bashkëbisedimit me intelektualë në Pogradec tha se sot shqiptarët jetojnë në monizëm të plotë.
Teksa krahasoi pushtetin e kryeministrit Rama me atë të Ramiz Alisë në vitin 1991, Berisha tha se edhe pse ky i fundit ishte një diktator nuk tentoi ta blejë opozitën ashtu siç, kreu aktual i qeverisë bëri. Më tej ai shtoi se pasuria jonë kombëtare është kthyer në mallkim.
“Në 8 vite, e vërteta është se shoqëria, vendi është në një rrokullisje në disa aspekte të paprecedente. Sot jetojmë në monizëm të plotë, nuk kemi kampe dhe burgje, por pushteti është i përqendruar në një dorë më shumë se pas shkurtit të 91-shit. Studiuesit politolog kanë nxjerrë se Edi Rama ka 10% më shumë pushtet se sa Ramiz Alia në 91-shin. Ramiz Alia ishte njeri diktator, s’ka diskutim. Kishte predikuar ideologjinë më stalisinite të kohës, por dinte se kishte kryer krime të rënda, por nuk bëri një akt që e bëri Edi Rama. Ai nuk tentoi të themi haptas, të blejë opozitën. Ai se donte opozitën. Ne u themeluam 2 javë pas. Ai deklaroi se Patia e Punës do ketë ideologji të vetën. Tentativa që kreu Edi Rama dhe aktet e tij, ai nuk i kreu. Jua them me përgjegjësi të plotë. Aty nisi. E kam pyetur veten se çfarë po ndodh me ne. Cili është shkaku i këtij largimi masiv të shqiptarëve nga Shqipëria?! Cili është shkaku se sot pasuritë e këtij vendi, janë shndërruar në mallkim kombëtar?! Si në vendet koloniale. Angola ka një terrorit, është më i pasur në botë në çdo gjë. Ne dhe Angola dhe Ugana ishim 3 vendet më të varfra të Planetit. Ata kishin qenë koloni, ne në diktaturë. Sot pasuria jonë kombëtare është mallkim në çdo lloj aspekti në të gjitha fushat. Ishte fitore e madhe kur u bëmë në 2013-ën eksportues qumështi.”,tha Berisha./Opinion.al
