Kreu i PD, Sali Berisha ka replikuar gjatë seancës së sotme në Kuvendin e Shqipërisë, ku ka kërkuar të drejtën e debatit për ndryshimet në qeveri.
Sipas Berishës, arsyeja se pse nuk lejohet debati në Kuvend është se Rama ka frikë nga provat që deputetët do të shfaqin gjatë fjalës së tyre.
“Vendimi për të shkelur rregulloren e parlamentit e cila u garanton në nenin e saj 110, debatin për programin dhe përbërjen e këshillit të ministrave. Është një akt i pashembullt. Unë dua t’i them Edi Ramës se çfarë do lloj xhakete të veshësh asgjë nuk të heq qyrkun e vjedhësit. Ti kërkon tu heqësh deputetëve të drejtën e fjalës se në rast se ata do i faktojnë shqiptarëve se padrinoja i Arben Ahmetajt e ka emrin Tenderbegu Edi Rama. Zonjë hapni debatin. Mos mendoj Rama se duke i shpëtuar gjykimit në parlament do t’i shpëtojë gjykimit në rrugët e Shqipërisë”,-tha Berisha.
