Ditën e sotme kryekomisioneri i KQZ IlirJan Celibashi tha se zyrtarisht ky institucion nuk e njeh Sali Berishën si kryetar të PD.
Për këtë deklaratë ka reaguar Berisha në një intervistë televiziove, ku thekson se kryeministri Edi Rama nuk e pengon dot PD të regjistrohet në KQZ.
Berisha paralajmëroi se alternativa e opozitës përballë sulmit të Edi Ramës është rrëzimi i tij. Lideri i opozitës paralajmëroi protesta javët e ardhshme.
Pjesë nga intervista
Duke se Edi Rama e ka shumë problem garën. Në 2019 ju dhuruan një palë zgjedhje nga opozita. Kësaj radhe duket se po e ndalon ai opozitën të garë në zgjedhje, duke pamudësuar regjistrimin në KQZ.
Berisha: Nuk e ndalon dot.
A keni menduar ndonjë alternativë.
Berisha: Rrëzimi i Edi Ramës është alternativa.
Para zgjedhjeve …
Berisha: Në çdo kohë. Ky është revolucion. Ata që nuk e kuptojnë bëjnë gabim. Ky është revolucion dhe i ka të gjitha mjetet në fushë. Fushatën, betejën protestën, të gjitha.
Dhe ju po thoni se mund të ketë protesta para zgjedhjeve…
Berisha: Absolutisht mund të ketë protesta edhe për një javë edhe për dy javë. As nuk ikin kurrë nga rendi i ditës ato. Asgjë nuk mund të na pengojë ne. Zotëri ky është revolucion që ka për mision përmbysjen e një sistemi monist. Sot Shqipëria ka një monizëm më të fortë seç e kishte Shqipëria në 1991. Edi Rama ka mbledhur dhe kontrollon pushtetet 10% më shumë se Ramiz Aliaj në 1991. Kështu që sot revolucioni është zgjidhja.
