Ish-kryeministri Sali Berisha, të premten, deklaroi se kryeministri Edi Rama mbylli lojërat e fatit në Shqipëri, për t’i dhënë monopolin të vëllait, Olsi Rama.
Berisha duke iu referuar një mesazhi të ardhur në adresë të tij në rrjetin social Facebook nga një emigrant që jeton në Angli, tregon se qytetari gjatë shkarkimit të aplikacionit EasyPay për të bërë pagesën e disa faturave për familjarët në Shqipëri, vuri re edhe praninë e lotove sportive online.
“Pashë që në këtë aplikacion Edi hajduti paska arritur të mundësojë lotot sportive online (e vetmja bastarena/olsarena/rilindjearena/familjaramaarena ). Në çdo mënyrë, ai ka planifikuar që lekët e lotove sportive t’i shkojnë Ols arenës“,- citohet nga mesazhi i emigrantit dixhital.
Mesazhi i plotë:
Emigranti dixhital i çjerr maskën Edvin Kristaq Ramës.
Mbylli bixhozin peer ti dhënë monopolin vellaçko Olsit.
Lexoni mesazhin dhe shikoni fotot e qytetarit dixhital. sb
Pershendetje zoti Berisha!
Une jam nji shtetas shqiptar dhe jetoj ne britanine e madhe(angli). Ndjek vazhdimsisht politiken shqiptare dhe krizen qe ka kapluar shqiptaret atje, ku shkak eshte flliqsira e sotshme qe mban emrin kryeminister. Kam ndjekur ceshtjen e mbylljes se basteve dhe parimisht jam dakord me kte nisme, edhe pse ktu ne angli por dhe ne te gjitha vendet europiane funksionon. Por sot kur po shkarkoja aplikacionin easypay per te mundur te paguaj faturat e familjes ne shqiperi pasi ata skane mundesi ekonomike(si pjese me e madhe e shqiptarve sot) , pashe qe ne kte aplikacion ed hajduti paska arritur te mundesoj llotot sportove online (e vetmja bastarena/olsarena/rilindjearena/familjaramaarena ). Ne cdo menyr ai ka planifikuar qe leket e llotove sportive ti shkojn ols arenes !
