Në një konferencë për mediat nga selia blu, ish-kryeministrit Sali Berisha, tha se kreu i Qeverisë, Edi Rama ka në plan të bëhet vetë President pasi të humbasë zgjedhjet e ardhshme. Sipas Berishës, Rama ka ndërtuar një skemë të tillë që po kërkon një kandidat që në prag të disfatës së tij elektorale të japë dorëheqjen dhe ti lëshojë vendin kreut të qeverisë.
“Po kërkohet kandidati që në prag të disfatës së tij elektorale të japë dorëheqjen dhe ti lëshojë vendin Ramës. I them harroje këtë skemë se në mënyrë absolute nuk pranohesh President i Republikës. Mendon vetëm për vete se si të garantojë mbrojtje ligjore nga afera kryesore që ka dalë gjer sot, afera e inceneratorëve. Ku ai ka firmosur një procedurë anti ligjore për kontratën e inceneratorëve. Në këtë kontekst, përgjegjësi numër një, kreu i organizatës është ai dhe Ëngëll Agaçi”.
Më tej ai tha “Rama ka ditur gjithçka por i ka lejuar vetes për përfitime personale të firmosë me një procedurë të dënueshme, ligjërisht të dënueshme. Afera nuk ka të ndalur. Nuk mund të imagjinohet se çfarë ka ndodhur në këtë aferë. Janë institucione të tjera të implikuara gjer në fyt. Ndaj dhe ai mendon se si të kalojë nga kryeministër në President. Por i them gjë sot se ajo nuk do të ndodhë. Thuhet se ka filluar të ketë telefonata nga Bllako, ato janë punët e tyre. Bllako është vetëm një kapterr ku gjeneralë janë Edi Rama, Agaçi e të tjerë”.
