Nga Kuvendi i Shqipërisë, kreu i PD Sali Berisha i ka bërë thirrje SPAK që të hetojë sarajet e Edi Ramës në Surrel dhe pallatin e familjes Basha.
Berisha hodhi akuza të forta, duke iu drejtuar organeve të drejtësisë me disa pyetje lidhur me hetimin ndaj politikanëve, me në krye kryeministrin Rama.
“Pse nuk heton SPAK sarajet e Edi Ramës me gjatësi themele 75 me 57. Pse nuk hetojnë pallatin e familjes Basha për të cilin nuk kanë asnjë faturë por shpërblejnë ndërtuesin vetëm para tre javësh me 11 mln euro, me 99% të fondit limit dhe i vetëm në garë. Pse nuk hetojnë Edi Ramën dhe Arben Ahmetaj, dhe Erion Velinë për aferën e tmerrshme të djegësave”,-tha Berisha.
