Ish-kryeministri, Sali Berisha, në një konferencë për mediat, ka thënë se nuk është zhvilluar një protestë e qëndrueshme nga ana e opozitë, por sipas tij kjo do të bëhet në vijim.
Berisha theksoi sërish se PD do të qëndrojë në misionin e vet për rikthimin e votës së lirë, ndërsa shtoi se me Ramën, votim të lirë nuk ka.
“Ajo që nuk është bërë është protesta e qëndrueshme dhe ajo do të bëhet. Protesta e qëndrueshme do të bëhet. Këta 500 mijë idealistë që duruan të gjitha format e presioneve, këta janë luftëtarë të vërtetë të rikthimit të votës së lirë. PD analizoi me përgjegjësi të plotë të gjitha mangësitë dhe problematikat për të përsosur punën. PD do të qëndrojë në misionin e vet për rikthimin e votës së lirë, me bindjen më të thellë se me Ramën, votim të lirë nuk ka. Tani, jemi me faza. Tani ne jemi në një proces të mbrojtjes së votës. Kemi objektiva të njohura, por na dalin edhe objektiva të panjohura. Kërkon analizë, durim, kërkon ekspertizë. Nuk po flas akoma për pjesën dixhitale, se janë tre bashki. Por kërkon durim kjo! Dua të informoj se kërkon kohën e tij raporti sepse janë disa procedura që duhen bërë, por që kanë një volum të jashtëzakonshëm pune. Ne do i bëjmë ato, ne do jemi të vërtetë përpara shqiptarëve. Kryesia e PD e miratoi plotësisht qëndrimin që fillimisht do të bëhet mbrojtja e votës. Analiza do bëhet pa asnjë diskutim. Në çdo aspekt dhe në përputhje të plotë me statutin. Por do bëhet në kohën që i volitet më shumë partisë dhe shoqërisë. Përparësi në këtë periudhë ka mbrojtja e votës”-tha Berisha.
