Ish-Kryeministri Sali Berisha ka komentuar krimin makabër në Këlcyrë ku një i sëmurë mendor, ish-komando në Afganistan i ka prerë kokën fqinjit të tij. Sipas Berishës, policia ka qenë në dijeni të kërcënimeve të vazhdueshme që kishte 66 vjeçari.
“Viktima që u masakrua shtazarisht në Këlcyre prej një viti ishte i kërcënuar dhe kërkonte mbrojtjen e policisë nga kasapi që i preu kokën. Policia nuk e përfillte kërkesen e tij”, shkrua Berisha, duke iu referuar denoncimit të një qytetari.
Krimi makabër ndodhi mesditën e së dielës në fshatin Uji i Mirë. 30-vjeçari i cili dyshohet se vuante nga çrregullime mendore ka qenë komando në Afganistan, dhe prej tre vitesh ishte kthyer në Shqipëri. Që nga kthimi nga Afganistani, Alban Voda kurohej për probleme të shëndetit mendor. Ai ka qenë në Afganistan 2 herë për misione paqeruajtëse.
Ngjarja ka ndodhur pas një konflikti mes 30 vjeçarit dhe viktimës, Nesim Hoxha 66 vjeç për një çështje pronësie.
Merita Hoxha, bashkëshortja e viktimës ka treguar se ishin në konflikt prej një viti. “Burri ka pasur konflikt me autorin 1 vit më parë. Nuk kemi pasur raporte të mira me Alban Vodën”, shprehet ajo. /Opinion.al
*Në foto autori, Alban Voda, ish-komando
