Kryetari i PD, Sali Berisha ka përkujtuar 14-vjetorin e anëtarësimit të Shqipërisë në NATO nëpërmjet një video ku shfaqet ky moment historik.
Berisha shkruan krahas videos se anëtarësimi i Shqipërisë u bë i mundur për shkak të reforma të thella të bërë nga PD në kohën që ishte në qeveri.
Po ashtu, kryedemokrati vlerëson mbështetjen ndaj Shqipërisë të ish-presidentit të SHBA, George W. Bush.
Postimi i Berishës
Sot ditë historike, 14 vjetori i anëtarësimit të Shqipërisë në NATO, aleancën politike dhe ushtarake më të fuqishme të kohërave. Ky anëtarësim u bë i mundur nga sukseset e reformave të thella dhe gjithanëshme, funksionimi i shtetit ligjor dhe ekonomisë së tregut. Kjo ëndërr u bë realitet për shqiptarët me mbështetjen e fuqishme të presidentit të SHBA, mikut të madh të kombit tonë George W. Bush dhe vendeve anëtare të NATO-s. Sot NATO e udhëhequr nga SHBA është mburoja më e fuqishme e paqes dhe lirisë në botë. Zoti e bekoftë NATO-n dhe vendet e saj anëtare! #sb
