Ish-kryeministri, Sali Berisha, në seancën e sotme plenare ka folur për largimin e ambasadores së SHBA-së, Yuri Kim, në përfundim të misionit të saj diplomatik në vendin tonë.
Berisha akuzoi Kim se bashkë me Ramën bëri gjithçka për të shkatërruar opozitën.
Më tej ai tha se Kim është e vetmja ambasadore amerikane në 32 vite demokraci në Shqipëri që po largohet si sekretare e partisë në pushtet.
“Në historinë e pluralizmit të këtij kombi, emri i saj do mbetet si person që abuzoi me pushtetin. Së bashku me Ramën bëri gjithçka për të shkatërruar opozitën shqiptare. Natyrisht, e dëmtove por dështove. Nga ana tjetër, me qëndrimet e tua je e vetmja ambasadore në 32 vite largohesh nga ky vend si sekretare e përgjithshme e PS-së, e cilësuar jo nga unë. Mendoj se këto pak ditë dhe orë që ju kanë mbetur të kërkoni ndjesë shqiptarëve për Gonigal. Në skandalin më të madh të të gjitha kohërave nuk u the asgjë shqiptarëve duke i shumëzuar me zero.”- thotë Berisha./Opinion.al
