Ish-kryeministri Sali Berisha ka nisur këtë të premte “Foltoren” në qytetin e Lushnjës.
Gjatë fjalës së tij ish-kryeministri akuzoi qeverinë Rama dhe ministrat e kabinetit për korrupsion dhe më pas u ndal te borxhi që Shqipëria do të marrë në muajin nëntor. Ai akuzoi Bashën se e bëri bashkëfajtore PD-në pasi sipas tij PD abstenoi dhe votoi pro në Komisione.
“Sa është sot borxhi? Borxhi është sot rreth 100%. De facto çatia nga momenti në moment mund të na bjerë në kokë. Borxhi si për individin edhe për shtetin është njësoj. Kur njeriu merr një borxh, e merr me qëllimin që të ndërtojë diçka dhe të paguajë borxhin. Ndërsa borxhin e shtetit e merr qeveria dhe e paguani ju. I paguani ju me taksa dhe tatime. Nga 2005-2013 borxhi publik i tëri është i qytetarëve. U rrit me 4%. Po çfarë u bë me këto para? U dyfishuan rrogat dhe pensionet, u ndërtuan rrugë, shkolla dhe kopshte etj. Pra Shqipëria u bë krejt tjetër. Këta ministrja ky kryeministër këta vjedhin edhe në gjumë duke fjetur sepse i kanë ndërtuar mekanizmat”.
“Në mënyrë të pabesueshme bashkëfajtor në borxh është kryetari i Partisë Demokratike apo kryetari pa parti, Lulzim Basha. Një opozitë ti lejojë vetes të abstenojë apo të votojë pro në komisione për borxhin 750 ml euro që është më i madhi në historinë e Shqipërisë”, tha Berisha.
