Ish-kryeministri Sali Berisha ka reaguar pas lajmeve që qarkullojnë në media lidhur me deklaratën e bër nga kryedemokrati Lulzim Basha gjatë mbledhjes së kryesisë së grupti parlamentar se nuk do të lejojë krijimin e një grupi anti-amerikan në PD.
Nëpërmjet një postimi Berisha shkruan se tashmë kreu i PD ka shpallur non grata bazën e partisë.
“Miq, ish kryetari sot shpalli non-grata bazën e partisë! sb”-shkruan Berisha.
Pas qarkullimi të këtij lajmi, PD sqaroi deklaratën e Bashës, duke theksuar se në asnjë moment gjatë mbledhjes, Basha nuk i ka cilësuar anëtarët e PD anti-amerikanë.
Pasdite e nesërme, Berisha do të takojë demokratët në Fier në kuadër të ciklit të takimeve “Foltorja me demokratët për PD”. Ish-kryeministri ka deklaruar se synon mbledhjen e 1500 firmave të delegatëve të Kuvendit Kombëtar dhe më pas do kërkoj mbledhjen e kësaj strukture për të anuluar vendimin e Bashës për përjashtimin nga grupi parlamentar./Opinion.al
