Kreu i Partisë Demokratike, Sali Berisha gjatë fjalës së tij në konferencën e sotme deklaroi se PD duhet të ecë drejt shtresës gri, që sipas tij përcakton dhe fitoren e kësaj partie.
Berisha tha se çdo anëtar i Partisë Demokratike duhet të jetë në lartësinë e misionit për të fituar zgjedhjet ndaj qeverisë, ndërsa u kërkon që të bëjnë takime me qytetarët.
“Partia në pushtet sot na dominon në rrjetet sociale. Kanë më shumë se 2-fishin e postimeve në krahasim me ne. Por ata nuk kanë një gjë. Nuk kanë interesin e publikut. Interesi i publikut është dy herë më i madh për opozitën.
Por sa e shfrytëzojmë ne këtë gjë?! Duhet të ecim drejt shtresës gri. Kjo përcakton fitoren. Duhet të jemi në lartësinë e misionit. Kërkohet që secili nga ne të ketë një program ditor. Çdo anëtar i yni të bëjë takime”, u shpreh Berisha./Opinion.al
