Kreu i Partisë Demokratike, Sali Berisha ka reaguar pas intervistës që mamaja e 32-vjeçarit Lear Kurti dha për gazetaren Klodiana Lala.
Ndërsa publikon një pjesë të intervistës, Berisha shkruan në rrjetin social “Facebook”, se dyshimet e nënës së Learit janë të drejta. Kryedemokrati shton se duhen dënuar përgjegjësit e ngjarjes, të cilët Berisha i quajti “xhelatët e Edi Ramës dhe Çuçit”.
“Dyshimet e drejta të nënës së Lear Kurtit ndaj bandës me uniformë të Rama-Çuçit që i morën shpirtin me dhunë djalit të saj! Ngushëllime edhe një herë nënës për djalin e saj të vetëm, dhe dënim xhelatëve të Edi Ramës dhe Çuçit!”, shkruan Berisha.
Kujtojmë se, në intervistën e dhënë, mamaja e të riut mohoi që djali i saj të ketë patur probleme shëndetësore, ndërsa deklaroi se në trupi e tij kishte shenja dhune./Opinion.al
