Pas daljes nga SPAK, kreu i partisë demokratike, Sali Berisha foli për gazetarët.
Gjatë fjalës së tij, Berisha e cilësoi SPAK si prokurori politike të Ramës dhe tha se do të marrë fund në 11 maj.
Ai theksoi se ky ishte mesazhi që kishte lënë mbi tavolinë për kryeministrin Rama.
”Edhe një gjë, është shumë interesante të lexoni aty ku firmos unë dëshminë që unë erdha, aty thotë procesverbali nuk mund të bëhet asnjë vërejtje.
Dhe unë pastaj bëj një fletë të veçantë ku i them: Prokuroria politike e Edi Ramës, e kukullës së Xhorxh Sorosit, me një krye mercenar Dumanin, është vegël e regjimit të tij dhe patericë e pushtetit të krimit, i cili merr fund me turp më 11 maj të vitit 2025. Ky është mesazhi për Edi Ramën që lashë në tavolinë.
Tani vazhdon.
Ne jemi opozitë dhe për ne, beteja për votën e lirë është beteja e betejave. Të gjithë armiq të votës së lirë sot janë ministra, kriminelë të votës së lirë janë ministra dhe mbiministra”, tha Berisha.
