Ish-kryeministri Sali Berisha thotë se mazhoranca tashmë e ka përjashtuar opozitën nga parlamenti, pasi sipas tij, nuk lejon të drejtën për ngritjen e komisioneve hetimore.
Duke folur për mediat pas seancës së posaçme në kuadër të vizitës së Presidentit kroat, Zoran Milanoviç, Berisha tha se deputetët e PD do të nisin qëndresat e tyre në të gjitha mënyrat.
Sipas tij, demokratët do të nisin betejën e vërtetë dhe se kryeministri Edi Rama do të marrë përgjigjen e merituar.
“Ka dëshmuar ndjenjat më miqësore ndaj shqiptarëve, Kosovës, por edhe të shtetarit në respekt të ligjit. Përshëndesim vizitën dhe e garantojmë Kroacinë se për ne marrëdhëniet me këtë vend mik janë një përparësi e padiskutueshme në marrëdhëniet tona në rajon dhe më gjerë. Opozita de facto është përjashtuar nga Parlamenti si opozitë sovrane, në të cilën asaj në përputhje me Kushtetutën i takon të përmbushe detyrimet ndaj qytetarëve që kanë votuar kundër qeverisë. Por me vendimet antikushtetuese të Ramës, i cili ka marrë përsipër për herë të parë në histori, të emërojë bashkëkryetarin që do ai opozitës… ndaj opozita do fillojë qëndresën e saj në Parlament, me të gjitha mjete e mundshme civile dhe do përshkallëzojë këtë, dhe armiqësisë së Ramës, do t’i përgjigjet në mënyrën e duhur. Tani nis beteja tamam!”,-tha Berisha.
