Ish-kryeministri Sali Berisha ka publikuar këtë të mërkurë në rrjetin social “Facebook”  pamje nga një aksident i regjistruar në Vlorë, ku shihet se si një automjet përplas dy qytetare të cilat po ecnin tek vijat e bardha. Sipas dëshmisë që Berisha ka publikuar thuhet se ngjarja ka ndodhur mbrëmjen e 24 janarit në rrugën transballianike. Edhe pse e gjithë ngjarja është filmuar ende nuk është gjetur autori.

Postimi i plotë

Makina shtyp 2 vete në mes të Vlorës! Narkopolicia fsheh prej 10 ditesh kriminelin! Shikoni videon e aksidentit dhe lexoni mesazhin e familjarit dixhital! sb

Përshëndetje doktor.

Në radhë të parë ju uroj shendet. Doktor dua t’iu informoj për një hall të madh që na ka zënë. Doktor im vëlla quhet Rexhep Llaçaj dhe është prej 20 vjetësh punonjës i policisë së shtetit në Vlorë tani kanë disa muaj që e kanë transferuar në Himarë vetëm e vetëm sepse unë shkruaj kundra qeverisë. Por ky nuk është problemi kryesor.

Problemi ynë është sepse në dt 24.01.2021 në rrugën transballianike te rreth-rrotullimi i shkollës së naftës te vizat e bardha në orën 21:00 një makinë na shtypi kunatën dhe mbesën, nusen e Rexhepit dhe vajzën. Majlinda dhe Lesina Llaçaj, dhe pse kanë kaluar 10 ditë nga aksidenti policia akoma nuk ka bërë as identifikimin e personit dhe as të makinës. Kunata ka politrauma dhe ka qenë në gjendje kritike për jetën dhe ndodhet akoma te spitali i traumës në Tiranë. Si ka mundësi që ky shtet mos ta gjej akoma personin. Po ju drejtohem juve doktor sepse ju mbeteni akoma shpresa jonë. Po ju nis dhe videon se si makina shtyp nusen e vllait dhe mbesen dhe dy çunat e vëllait që i qepen makinës nga mbrapa por nuk arrijnë ti shofin targat dhe shohin mamanë e tyre se si u fluturon në ajër fëmijët kanë kaluar traumë dhe këta akoma nuk po e gjejnë ose nuk duan ta gjejnë./Opinion.al