Në përfundim të seancës së parë të gjyqit kundër ish-kryeministrit Sali Berisha në GJKKO, kryetari i bashkisë së Tiranës Erion Veliaj ka dhënë një deklaratë për media.
Pas përfundimit të seancës është bërë e ditur se Berisha nuk është paraqitur ditën e sotme në GJKKO.
Ndërkohë Veliaj gjatë deklaratës tha se është vendosur që ish-kryeministri të sillet me forcë në Gjykatë në 19 maj.
“Sot isha unë nismëtari i një akuze ndaj Berishës, i cili ka mbi 30 vjet që shan dhe mallkon, por cdo gjë ka një limit, as budallait dhe as të ligut nuk duhet të hapet rrugës, këto akuza t’i provojë në gjykatë, ka kaq kohë që më fton debat, po Berisha nuk është burrë, është frikacak, Berisha është i lig, ka promovuar kulturën hidh baltë pa pikë përgjegjësie në 19 maj në orën 11:00 Berisha do paraqitet me detyrim në gjykatë”, tha Veliaj.
Pak ditë më parë, Sali Berisha hodhi akuza ndaj Kryetarit të Bashkisë Tiranë, Erion Veliaj në lidhje me inceneratorin e Tiranës dhe të ashtuquajtura “lidhje” të tij me Iranin.
Për të gjitha këto akuza, kryetari i bashkisë ka paraqitur një padi penale pranë Gjykatës së Posaçme të Shkallës së Parë për Korrupsionin dhe Krimin e Organizuar me të dëmtuar akuzues Erion Veliaj dhe me të akuzuar Sali Berisha. Sipas tij, Veliaj po pastron paratë e Gardës Revolucionare të Iranit./Opinion.al
