Nga takimi me mbështetësit në Kuçovë, Sali Berisha iu përgjigj Edi Ramës me epitetet që ky i fundit ka përdorur gjatë fushatës.
Berisha e quajti ‘burrec 2 metrash’ kryeministrin, ndërsa tha se gjuha e përdorur nga Edi Rama, nuk do pranohej as në formatin Big Brother.
“Burreci dy metrash, i them burrec se e meriton. E kam ftuar dhe po e ftoj para jush, hajde të ulemi në Kuçovë, të ulemi të japim llogari të dy. Ti ke qeverisur 12 vite. Unë kam 12 vite që s’kam qenë në pushtet. Nuk del dot, vetëm flet me vete çdo mëngjes ‘Sy m’sy’ sapo zgjohet po flas këtë po flas atë.
Ju e konstatoni, kalon nga një shesh në tjetrin me një tufë fjalësh bajate dhe banale të turpshme. Sikur jo kryeministër, por mund t’i vesh çdo epitet. Flet këneta zhapi, çyryk, autik, budalla. Këto janë fjalori i tij, por dhe pastaj përpiqet në një mënyrë të krijojë çarje në familje. Gjëra aq bajate, edhe në Big Brother nuk do ia pranonin, jo”-u shpreh Berisha.
