Ambasadorja e SHBA në Shqipëri Yuri Kim ka dhënë ditën e sotme një intervistë për Zërin e Amerikës në lidhje me shpalljen non-grata të ish-kryeministrit Sali Berisha.
Në fjalën e saj ambasadorja Kim shprehet se ata që thonë që janë të habitur nga shpallja non-grata e ish-kryeministrit Sali Berisha, nuk po tregohen të sinqertë.
“Mendoj se është e drejtë të thuhet që në shumicën e rasteve dhe në të gjitha rastet, dhe nuk flas vetëm për Shqipërinë, por flas për të gjithë botën, në momentin kur dikush përcaktohet nga sekretari i Shtetit për korrupsion domethënës, zakonisht është shumë e dukshme. Dhe mendoj se ata që thonë që janë të habitur, nuk po tregohen shumë të sinqertë”, thotë Kim.
