Gazetari Baton Haxhiu ka komentuar në studion e emisionit “Opinion” vendimin e DASH për të shpallur non grata ish-Kryeministrin Sali Berisha.
Haxhiu tha se në historinë e tij të pengimit të zyrtarëve për të hyrë në SHBA, departamenti nuk i ka bërë kurrë publike arsyet. Më tej Haxhiu u shpreh se është kundër këtij linçimi veçanërisht për familjen, por shtoi se kjo është pasojë e asaj që vetë Berisha kishte vendosur si kriter të jetës së tij.
“Unë jam kundër këtij lloj linçimi sidomos për anëtarët e familjes, Argitën, Shkëlzenin, Lirien që nuk kanë bërë jetë publike. Doktori ka mëkatet e veta, në qëverisje apo jo. E ka konstatuar Sekretari i Shtetit, por linçimi i familjes është gjëja më e keqe që i ka ndodhur këtij veprimi. Unë shpreh keqardhje pse kryeministri i vendit tim, ose presidenti i vendit tim është akuzuar për një gjë të tillë. Por ajo që është përjetuese për doktorin është që përjetimin e linçimit që ka marr duke mos dhënë argument departamenti, është vetëm pasojë e asaj që doktori ka vendosur si kriter të jetës së tij politike për të gjithë të tjerët që i ka akuzuar duke mos dhënë asnjëherë argument. E korr atë që e kë mbjell dhe gjuha që ka ndërtuar doktori si linçim per secilin personalisht, përfundon karrierën e tij me një linçim që unë shpreh keqardhje, më vjen keq që ka ndodhur”, tha Haxhiu.
I pyetur mbi arsyet e mundshme të këtij vendimi të DASH dhe nëse Kosova mund të ketë një prej tyre, Haxhiu u shpreh: “Berisha nuk ka bërë asgjë të madhe që ta marr dënimin për shkak të Kosovës. Doktori nuk e ka marr as për qeverisjen e tij, as për 21 janarin, por për veprimet e tij dhe pengesën që ka bërë pasi ka ikur në 2013, se ka qenë më i rrezikshëm në pengimin e drejtësisë dhe demokracisë”./Opinion.al
