Themeluesi i PD Sali Berisha nga “Foltorja” në qytetin e Vlorës ka pohuar se Bashës i ka këshilluar dorëheqjen pas humbjes së zgjedhjeve të vitit 2017, ndërsa tregoi edhe arsyet se pse Basha nuk mund të jetë një lider.
“Ne jemi 12% më pak në vota se në 2013. Kjo është e vërteta. Sali Berisha e ka thënë në cdo foltore, se ka përgjegjësitë e padiskutueshme.
Në 2017 i kërkova Bashës të japë dorëheqjen. Në cdo dalje televizive kam thënë se standardi i humbjes së zgjedhjeve është dorëheqja.
Unë i kisha thënë se ti je lider i thyer. Me aktet që ti ke kryer në zgjedhjet e 2017, ti nuk bëhesh dot lider. Provoje, unë do bëj gjithçka, por je i thyer.
Nuk i dilet në pritë bashkëpunëtorëve, një nga një i ekzekuton politikisht. Po të jesh burrë i thua, por edhe ajo nuk bëhet”, tha Berisha duke shtuar se në 8 vite Basha vetëm largoi masivisht dhe nuk tregon dot me gishtërinjtë e një dore të rinjtë që solli në PD./Opinion.al
