Ish-kryeministri Sali Berisha u ka bërë sërish thirrje qytetarëve që të dalin në votime. Në një deklaratë për mediat nga selia blu Berisha garantoi qytetarët se opozita po mbikëqyr me sukses të plotë procesin e votimit.
Ndër të tjera Berisha hodhi akuza ndaj policisë për të cilën tha se e ka marrë pushim sot.
“Iu bëj thirrje qytetarëve të votojnë. Te paraqiten në orët në vazhdim QV për të votuar si një shërbim i jashtëzakonshëm që i bëjnë vendit, vetes dhe familjes.
Garantoj qytetarët se opozita po mbikëqyr me sukses të plotë këtë proces. Ajo sot është më e fuqishme se kurrë. Vota e tyre ka mbrojtjen absolute të opozitës shqiptare. Çdo përpjekje që po bën naroko-administrata naroko-shteti është e destinuar të dështojë dhe vetëm të dështojë.
Policia e ka marrë pushim sot. Por pavarësisht nga kjo votoni si njerëz të lirë. Opizita do mbrojë dhe mbikëqyr çdo votë tuajën”-tha Berisha.
