Kreu i Partisë Demokratike, Sali Berisha po prezanton pasditen e sotme në Korçë kandidatët për deputet në zgjedhjet e 11 Majit.
Në fjalën e tij, Berisha u premtoi fermerëve korçar 5-fishim të subvencioneve në bujqësi dhe mbrojtjen e plotë të prodhimeve në sezon. Kryedeokrati nuk la pa përmendur edhe Ballkanin e Hapur, i cili sipas tij në 11 maj do të marrë ndëshkimin shembullor.
Pjesë nga fjala e Berishës:
Koalicioni për Shqipërinë Madhështore ka një projekt për çdo shqiptar. Ky projekt është Korça, Pogradeci, Devolli dhe Kolonja, në madhështinë e potencialit të tyre, në madhësinë e Shqipëri të qytetarëve të kësaj treve, të cilët në betejat e tyre për liri, për mirëqenie, qëndrojnë në kurorën e qytetërimit shqiptar dhe europian.
Sot, përjetojmë një kohë të cilën ata kurrë nuk e meritojnë. Korça, korçarët dhe mbarë shqiptarët në 12 vite të këtij regjimi njohën shkretimin më të madh të historisë së tyre kombëtare, por edhe një nga periudhat më të zeza të varfërimit.
Por, Korça dhe korçarët janë gjithashtu potenciali më i madh për madhështinë e Korçës, madhështinë e Shqipërisë.
Mitë e mi, me këtë projekt ne do të bëjmë gjithçka. Do ti shpallim luftë me zero tolerancë varfërisë ekstreme dhe mjerimit në Shqipëri.
Ne besojmë se asnjë korçar e asnjë shqiptar nuk duhet kurrë më të ndjejë dhimbjen e skamjes. Nuk duhet kurrë më t’i nënshtrohet sëmundjeve, të mendoj vend tjetër për ëndrrën e tij.
Në këtë përpjekje, ne i adresohemi më së pari asaj që është vlera jonë hyjnore, familjes.
Duke vendosur pensionin minimal 200 euro, minimumin jetik 200 euro. Duke vendosur pagën minimale 500 euro. Duke vendosur kartën e konsumatorit, bonuset për fëmijën e parë, të dytë dhe për të tretin shpenzimet e plota gjer në 23 vjeç, ne i krijojmë kushtet që çdo familje të jetojë në paqe.
Familja është tempulli i formimit, edukimit, moralit dhe virtyt për çdo korçar, për çdo shqiptar.
Njerëz të lirë, mos harroni kurrë se konservator do të thotë tradicional, tradicional do të thotë besim te familja.
Do të bëjmë gjithçka që gjenia krijuese e qarkut Korçë të shkëlqejë në të gjitha fushat. U jap fjalën që ata rrëzon fermat tuaja me Ballkanin e hapur, më 11 maj marrin ndëshkimin shembullor, kurse ne fermerit korçar, devolli, pogradecar e kolonja, do i 5-fishojë subvencionet do investojmë në vit 70 milionë euro në kullimeve, vaditje të tokës. Linja krediti të buta për çdo fermerë që dëshiron të zgjerojë fermën. Mbrojtja e plotë e prodhimeve tuaja në sezon është zotimi im para jush.
