Nga Elbasani ku mori pjesë në prezantimin e kandidatit Luçiano Boçi për zgjedhjet e 14 Majit, Sali Berisha i cilësoi zgjedhjet e jetës.
“Ky monizëm duhet të pësojë fatin e të parit. Ndaj dhe këto janë zgjedhjet e jetës tonë, nga 1992 e deri më sot, më të rëndësishme. Ju jeni misionarë të përmbysjes së monizmit dhe rivendosjes”, tha ndër të tjera Berisha ndër listoi një sërë problemesh që sipas tij po përballet qyteti i Elbasanit.
“Çfarë zhvillimesh ka pasur në 9 vite kjo ngrehinë. Ka patur një rrangallë në Papër, që herë punon e herë s’punon. Teknologji e viteve ’70, me hirin e tij toksik helmon qytetin, në një kohë kur ju keni paguar taksa, dhe shumë më të larta se përpara.
Në një kohë kur biznesmenët e Elbasanit kanë paguar taksa nga 2 gjer në 5 herë më të larta se përpara. Në një kohë kur fermerët e Elbasanit kanë falimentuar njëri pas tjetrit sepse nuk kanë asnjë përkrahje nga qeveria.
Në një kohë kur universiteti mezi mbahet, arsimi është shtetëzuar dhe është pronë e PS-së. Atëherë, çfarë ndodh? Ky monizëm duhet të pësojë fatin e të parit. Ndaj dhe këto janë zgjedhjet e jetës tonë, nga 1992 e deri më sot, më të rëndësishme. Ju jeni misionarë të përmbysjes së monizmit dhe rivendosjes së pluralizmit”, tha Berisha./Opinion.al
