Pas mbledhjes së Komisionit të Rithemelimit, ish-kryeministri Sali Berisha në një deklaratë për mediat foli edhe për procesin e zgjedhjes së Presidentit të ri.
Berisha tha se PD si opozitë nuk pranon asnjë propozim të Edi Ramës. Më tej ai theksoi se nëse Rama vendos që presidentin ta propozojë PD ose opozita atëherë do të nisin konsultimet.
“Kërkesa e vetme është që vendimet për drejtime grupi të merren nga Kryesia e Grupit Parlamentar. Linja politika është e qartë, kundërshtari ynë është Rama. Nëse do të propozojë për presidentin e ri dhe se cili do të jetë qëndrimi do merret vendimi nga organet më të larta. PD si opozitë e vërtetë nuk pranon asnjë propozim të Edi Ramës. Nëse Rama vendos që presidentin ta propozojë PD ose opozita atëherë do të nisim konsultimet me institucionet e PD”, tha Berisha.
