Kreu i PD, Sali Berisha në konferencën e përjavshme për mediat, ka folur edhe për negociatat brenda PD-së për të dalë në zgjedhjet lokale me një kanddat të përbashkët. Kryedemokrati ka lënë të hapur çdo opsion për bashkimin e Partisë Demokratike.
“Bashkimi i PD-së ka të hapur çdo opsion. Ky është qëndrimi i Berishës, pa asnjë lloj diskriminimi përveç një rasti të veçantë, që duhet të sqarohet dhe kaq”-tha Berisha.
Ndër të tjera Berisha u ndal edhe te situata brenda në PS. Sipas kreut të selisë blu në PS ka një betejë për jetë a vdekje mes Erion Veliajt dhe Edi Ramës.
“Për sa i përket betejës brenda PS-së, ajo është betejë për jetë a vdekje mes Erion Veliajt dhe Edi Ramës. Deri tani, këtë betejë po e fiton Erion Veliaj. Ne i konsiderojmë ata si të keqen më të madhe të këtij vendi”-tha Berisha.
